გამოხატვის თავისუფლება, ცენზურა, პრეზიდენტი და ცრუ განგაში თეატრში

“თვითერმა” დონალდ ტრამპის ანგარიში დაბლოკა. ქართველები თვითერს დიდად არა ვწყალობთ და ამ ამბავს, ეგებ, შეუმჩნევლადაც ჩაევლო, მაგრამ მსოფლიოში ისეთი ვნებათღელვა მოყვა, რომ ხმამ ჩვენამდეც მოაღწია მაინც. უცნაურია, ტრამპის დამცველებს შორის ბევრი ის ადამიანია, ვინც თავს ლიბერტარიანელს უწოდებს. უცნაურს იმად ვამბობ, რომ ლიბერტარიანელები კერძო საკუთრების საზღვრებში, კერძო მფლობელის მიერ კლიენტის დისკრიმინაციის უფლებასაც ამართლებენ, Trump vs. Twitter შემთხვევაში კი, უცებ, მომხმარებლის მხარეს აღმოჩნდნენ.

Trump-Twitter

კონგრესის მიერ არ უნდა იქნას მიღებული არცერთი კანონი, რომელიც დააკანონებს რომელიმე რელიგიას,3 ან ხელს შეუშლის მის თავისუფალ აღმსარებლობას, რომელიც აღკვეთს სიტყვისა ან პრესის თავისუფლებას; ან წაართმევს ხალხს მშვიდობიანი შეკრების უფლებას და უფლებას პეტიციით მიმართოს მთავრობას, რათა მან დააკმაყოფილოს მისი მოთხოვნები.
აშშ კონსტიტუცია. პირველი შესწორება

Continue reading “გამოხატვის თავისუფლება, ცენზურა, პრეზიდენტი და ცრუ განგაში თეატრში”

ლგბტ-ტორტი, გამოხატვის თავისუფლება და რომის პაპი

ჰომოსექსუალ ადამიანებს ოჯახში ყოფნის უფლება აქვთ. ისინი ღვთის შვილები არიან… სამოქალაქო კავშირის კანონი უნდა გვქონდეს, რაც მათ იურიდიულად დაიცავს.
პაპი ფრანცისკე. დოკუმენტური ფილმი Francesco

ჩარლი ქრეიგმა (Charlie Craig) და დეივიდ მალინზმა (David Mullins) საკონდიტრო Masterpiece-ს საქორწინო ტორტი დაუკვეთეს. კონდიტერმა ჯექ ფილიფსმა (Jack Phillips) ტორტის გამოცხობაზე წყვილს უარი განუცხადა, რაკი მის რელიგიურ გრძნობებს ეწინააღმდეგებოდა.

ეს ამბავი 2012 წლის ზაფხულში, ლეიქვუდში, ქოლორადოს შტატში მოხდა. მას შემდეგ სამოქალაქო უფლებების კომისია და რამდენიმე სასამართლო ინსტანცია მოიარა და 2017 წლის ბოლოს შეერთებული შტატების უზენაეს სასამართლომდე მიაღწია.

ქოლორადოს სამოქალაქო უფლებების კომისიამ განაცხადა, რომ მომსახურების მიღების უფლება აქვს ნებისმიერ მოქალაქეს, მიუხედავად ორიენტაციისა და არვის აქვს ნება, რელიგიური რწმენის მოტივით ზიანი მიაყენოს სხვებს, როგორც ეს საუკუნეების განმავლობაში ხდებოდა.

Continue reading “ლგბტ-ტორტი, გამოხატვის თავისუფლება და რომის პაპი”

როზერემის პოლიტკორექტული კოშმარი

ბევრი რამ ხდება, ჰორაციო, ისეთი, დაჯერება რომ გაგიჭირდება. ინგლისის ერთი პატარა ქალაქი, რომელსაც ხან როტერხემს ხან როთერემს უძახიან ჩვენთან, ისეკი როზერემი ქვია, ფეხბურთის გუნდიც ყავს (მეორე ლიგაში), სახელოვნებო კოლეჯი, სადაც შონ ბინი სწავლობდა და მე-15 საუკუნის დიდი, ლამაზი ტაძარი, 16 წლის განმავლობაში იყო მოძალადეების და პედოფილების თავშესაყარი და ამის შესახებ პოლიციამაც იცოდა, ქალაქის მესვეურებმაც და ხმას არ იღებდნენ… ტვინნაღრძობი პოლიტკორექტულობის გამო. 1997-2014 წლებში როზერემში გაუპატიურებისა და ძალადობის მსხვეპრლი გახდა 1400-მდე არასრულწლოვანი. უმრავლესობა 11-12 წლის გოგონა იყო. ბევრი მათგანი მოიტაცეს და იატაკქვეშა ბორდელებში ყავდათ დამწყვდეული. იქვე, იმავე ქალაქში. ზოგი სხვა ქალაქშიც გაყიდეს მონად. რიგ შემთხვევაში, მშობლები თავად იყვნენ მონაწილენი, ხშირ შემთხვევაში – ისინი დააშინეს, იმ შემთხვევებში კი, როდესაც მშობლები და ახლობლები დაკარგული ბავშვების მოსაძებნად პოლიციას მიმართავდნენ, მათ განცხადებებს პოლიციელები შორ უჯრებში აწყობდნენ და ძვრა არ იყო.

Three Wise Monkeys

Continue reading “როზერემის პოლიტკორექტული კოშმარი”

როგორ შეაჩერებდა მედია პანდემიას… (ჩინეთში რომ თავისუფალი მედია ყოფილიყო)

რეპორტიორები საზღვრებს გარეშე (RSF)

Doctor Li Wenliang,

ჩინური მედია საზოგადოებას გაცილებით ადრე მიაწოდებდა ინფორმაციას კორონავირუსის ეპიდემიის სიმძიმის შესახებ, გადაარჩენდა ათასობით ადამიანის სიცოცხლის და, შესაძლოა, თავიდან აგვაცილებდა პანდემიას… ეს ყველაფერი მოხდებოდა, ჩინეთში რომ თავისუფალი მედია ყოფილიყო და არა ხელისუფლების მიერ დაწესებული კონტროლი და ცენზურა.

საუზჰემფთონის უნივერსიტეტის 13 მარტს გამოქვეყნებულ კვლევაში ვარაუდობენ, რომ შესაძლებელი იყო ჩინეთში კორონავირუსის შემთხვევების რაოდენობის შემცირება 86%-ით, თუ პირველ ზომებს 20 იანვრის ნაცვლად ორი კვირით ადრე გაატარებდნენ. RSF-ს სიმულაციური სცენარი გვიჩვენებს, რომ ჩინური მედია კრიზისის ადრეულ დღეებშივე გაგვაფრთხილებდა მოსალოდნელი საშიშროების შესახებ, რომ არა სახელმწიფო კონტროლი და ცენზურა.

Continue reading “როგორ შეაჩერებდა მედია პანდემიას… (ჩინეთში რომ თავისუფალი მედია ყოფილიყო)”

საბჭოთა საქართველოს მოკრძალებული ხიბლი

დაგიჭერენ!

იმიტომ, რომ ქუჩაში დგახარ. ვიღაცას ელაპარაკები. რაღაცას აპროტესტებ. ხელში პლაკატი გიკავია. მაისურზე რაღაც გაწერია. ფერადი შარვალი გაცვია. მოკლე კაბა გაცვია. თმები გაქვს მწვანედ შეღებილი. გრძელი გაქვს თმა. სულ არ გაქვს თმა. დაგიჭერენ, იმიტომ რომ ბლოგი გაქვს. იმიტომ რომ ტელეგრამს იყენებ. იმიტომ რომ… მიზეზი არ დაილევა.

ბევრს ასეთი ქვეყანა არ გახსოვთ და ფიქრობთ, რომ ის არ არსებობდა და ვიგონებ.

Continue reading “საბჭოთა საქართველოს მოკრძალებული ხიბლი”

საკონსტიტუციო სასამართლოს თავზეც გაიარეს

ადამიანს ნარკოტიკული ნივთიერების პირადი მოხმარებისთვის შეძენა-შენახვისთვის 8 წელი მიუსაჯეს – სულ ესაა, რაც უნდა იცოდეთ დღევანდელ საქართველოზე. ასე რომ, სანამ ასაკი გიწყობთ ხელს, დააახვიეთ აქედან!

თავი დავანებოთ ახლა, რომ “ჩამიდესო” – ამბობს. თუნდაც მისი ყოფილიყო. თუნდაც მოიხმარდეს – ადამიანი მისთვის რაღაცას მოიხმარს და ამისთვის პატივცემული საზოგადოება და სახელმწიფოს რეპრესიული მანქანა 8 წლით ციხეში ამწესებს. თუნდაც ამ რაღაცის მოხმარება მისი ჯანმრთელობისთვის ზიანის მომტანი იყოს – ვითომ 8 წლით ქართულ ციხეში ყოფნა კურორტია. ვითომ ნორვეგიის ციხეები გვქონდეს აქ. რა რაოდენობის ნარკოტიკი უნდა მოიხმარო ადამიანმა, რომ მოახერხო და ქართულ ციხეში 8 წლის გატარებაზე მეტად დაიზიანო ჯანმრთელობა? ცხრა სიცოცხლე არ გეყოფა. სად არის ამ განაჩენში ლოგიკა?

Continue reading “საკონსტიტუციო სასამართლოს თავზეც გაიარეს”

ველოსიპედისტი, რომელმაც გოლფერი ყ**ზე გაუშვა

28 ოქტომბერს ვირჯინიის ქალაქ სთერლინგის ერთ შარაგზაზე, იანკები რომ ჰაივეის უძახიან, მარტოხელა ველოსიპედისტს ავტომობილების კორტეჟი წამოეწია და გადაასწრო. ველოსიპედისტმა შუა თითით გააცილა. ავტომობილის მგზავრთაგან ერთმა ფოტო გადაუღო და მისი თითი გათვითა. ველოსიპედისტმა ფოტო ჩამოტვირთა და ავატარად დაიყენა ამაყად.

Juli-Briskman

Continue reading “ველოსიპედისტი, რომელმაც გოლფერი ყ**ზე გაუშვა”

პოკემონების ჭერა ტაძარში

Pokemon Holy GOსელინჯერის რომანი იცით. Pokemon GO – მითუმეტეს.

ერთი ახალგაზრდა ჰოლდენ ქოლფილდი  რუსლან სოკოლოვსკი ჭვავის ყანის ნაცვლად ტაძარში წავიდა და იქ რამდენიმე პოკემონი დაიჭირა. სმართფონში – როგორც ამ თამაშის წესია.

რამდენიმე დღის შემდეგ სოკოლოვსკი პოლიციამ დაიჭირა. სმართფონში არა – სინამდვილეში. ეკატერინბურგის სასამართლომ რუსლან სოკოლოვსკის ეკლესიაში Pokemon GO–ს თამაშისთვის 2-თვიანი პატიმრობა მიუსაჯა. თან, ძიება არ დასრულებულა ჯერ. შესაძლოა, რამდენიმე წლითაც აღმოჩნდეს ციხეში.

არ ვხუმრობ!

Ruslan Sokolovskyკიდევ ერთხელ: რუსეთის ქალაქ ეკატერინბურგის კიროვის რაიონის სასამართლომ ეკლესიაში Pokemon GO–ს თამაშისთვის ადამიანს ბრალი დასდო მორწმუნეთა გრძნობების შეურაცხყოფასა და შუღლის ჩამოგდებაში (ვისა და ვის შორის შუღლის? ალბათ, პოკემონებსა და მღვდლებს შორის). განაჩენიც გამოუტანა და პატიმრობაც მიუსაჯა.

Continue reading “პოკემონების ჭერა ტაძარში”

ყრუთა დუმილი

როდესაც ბატონი გოგი თოფაძე სხვადასხვა უმცირესობებს მწვალებლებსა და ავადმყოფებს უძახდა, ბატონი ლევან ბერძენიშვილი დუმდა.

როდესაც ბატონი გოგი თოფაძე რუსთავი 2-ის გაქრობას აანონსებდა , ბატონი ლევან ბერძენიშვილი დუმდა.

როდესაც ბატონი გოგი თოფაძე ჟურნალისტებს ციხეში მოხვედრას უწინასწარმეტყველებდა, ბატონი ლევან ბერძენიშვილი დუმდა.

როდესაც ბატონი გოგი თოფაძე არასამთავრობო სექტორს ძირგამომთხრელ საქმიანობაში ამხელდა, ბატონი ლევან ბერძენიშვილი დუმდა.

როდესაც ბატონი გოგი თოფაძე სტალინის ფოტოზე ლოცვისკენ მოგვიწოდებდა, ბატონი ლევან ბერძენიშვილი დუმდა.

როდესაც ბატონი გოგი თოფაძე ნატოს დამაქცევარ ბლოკს უძახდა, ბატონი ლევან ბერძენიშვილი დუმდა.

როდესაც ბატონი გოგი თოფაძე ევრაზიულ კავშირში გაწევრიანებისკენ მოგვიწოდებდა, ბატონი ლევან ბერძენიშვილი დუმდა.
Continue reading “ყრუთა დუმილი”

სად მთავრდება/იწყება აღმსარებლობის თავისუფლება?

ორშაბათს საპატიმრო დატოვა და თავის ოფისში დაბრუნდა ქალბატონი ქიმ დეივისი. შეიძლება მისი სახელი და გვარი გაგონილი არც გაქვთ, თუმცა მისმა ამბავმა ამერიკაში და დანარჩენ მსოფლიოშიც დიდი ვნებათაღელვა გამოიწვია. ჩვენშიაც.

ქიმ დეივისი როუენის საგრაფოს მოხელეა, ვისაც, სხვა სამსახურთან ერთად, ქორწინების რეგისტრაცია და მოწმობების გაცემა ევალება. პატიმრობაც სწორედ მას შემდეგ მიუსაჯეს, რაც ერთი სქესის წყვილს ქორწინების რეგისტრაციაზე უარი უთხრა. დეივისის სასამართლო პროცესი ლამის მეორე “მაიმუნის პროცესად” იქცა – ბრალდებული და მისი ადვოკატები ამტკიცებდნენ, რომ ამგვარი ქორწინება დეივისის რელიგიურ გრძნობებს შეურაცხყოფს, ხოლო იძულება, დაარეგისტრიროს ეს ქორწინება, არღვევს მის აღმსარებლობის თავისუფლებასა და ადამიანის უფლებებს.

მოსამართლემ ეს არგუმენტები არ გაიზიარა და, როგორც ზემოთაც ვთქვი, ქიმ დეივისს პატიმრობა მიუსაჯა. ამავე დროს ის თანამდებობაზე რჩება (მისი თანამდებობა არჩევითია, უფლებამოსილების ვადა 2019 წელს ეწურება) და ოფისში დაბრუნებისთანავე განაცხადა, რომ უფლის წინააღმდეგ წასვლას არ აპირებს და ერთი სქესის ადამიანთა ქორწინებას კვლავ არ დაარეგისტრირებს.

ქიმ დეივისის საპატიმროში ყოფნის დროს საქორწინო მოწმობები ერთი სქესის წყვილებზე მისმა მოადგილემ გასცა, თუმცა სამართალმცოდნეები ვერ თანხმდებიან, აქვს თუ არა დეივისის ხელმოწერის გარეშე მოწმობებს ძალა, მითუმეტეს, ექნება თუ არა მოადგილის მიერ გაცემულ მოწმობებს იურიდიული ძალა იმ შემთხვევაში, როდესაც დეივისი ოფისში იმყოფება და უფლებამოსილებებს თავად ახორციელებს.

Continue reading “სად მთავრდება/იწყება აღმსარებლობის თავისუფლება?”