სერგი გვარჯალაძე და “უსერტიფიკატო” თბილისელები

თბილისის “ღამის მერი” სერგი გვარჯალაძე დანიშნვისთანავე შეუდგა თბილისის ეკონომიკის განვითარებას. თბილისის ეკონომიკის მნიშვნელოვანი წილი – ტურიზმზე მოდის. ბოლო წლებია, ჩვენს ქალაქში ტურისტების რაოდენობა უპრეცედენტოდ იზრდება, მაგრამ ბატონი გვარჯალაძე ფიქრობს რომ ამ კუთხით კიდევ ბევრია გასაკეთებელი და თბილისს მეტი სტუმრის მიღება შეუძლია.

საჭიროა, ის დაბრკოლებები მოვხსნათ, რაც ტურისტების ზრდას ხელს უშლის – ამ მიმართულებით თბილისის “ღამის მერს” ბევრი სასარგებლო ინიციატივა აქვს:

Continue reading “სერგი გვარჯალაძე და “უსერტიფიკატო” თბილისელები”

ნაცები, ჯიპები და მეუფეები

უფლებადამცველმა ნანა კაკაბაძემ გადაცემაში “პრიორიტეტები” (ტელეკომპანია “იბერია”) ნაცების კიდევ ერთ, აქამდე უცნობ მზაკვრობას ახადა ფარდა:

ნაციონალურმა მოძრაობამ “ტოიოტას” ჯიპები გამიზნულად დაურიგა მეუფეებს, რათა ეს ფაქტი საზოგადოებაში გახმაურებულიყო და ამითი გამოეწვიათ ხალხის უარყოფითი დამოკიდებულება სასულიერო პირებისადმი, – განაცხადა უფლებადამცველმა.

რა თქმა უნდა, მეუფეებს არ სურდათ ნაცების ამ “საჩუქრის” მიღება,  მაგრამ ხელისუფლების წარმომადგენლები რეკავდნენ საპატრიარქოს კანცელარიაში და იმუქრებოდნენ, რომ თუ რომელიმე მეუფე უარს იტყოდა ავტომობილის მიღებაზე “დაინახავს რაც მოუვა”-ო.

ვანო მერაბიშვილი დილა-საღამოს პირადად ამოწმებდა ჯიპების გარბენმეტრს და კილომეტრაჟს ითვლიდა.

მეტიც, რამდენიმე მეუფემ, მიუხედავად ზეწოლისა და მუქარისა, უარი განაცხადა ჯიპში ჩაჯდომაზე, მაგრამ გიგა ბოკერიამ სრულიად წარმოუდგენელი მზაკვრობა მოიფიქრა – სასულიერო პირებს ძალად სვამდნენ ჯიპებში და რამდენიმე კუნთმაგარი ნაცი – როგორიც კაკო ბობოხიძე, უკნიდან აწვებოდა ავტომობილს და მიაგორებდა. ჯიპში მჯდომ მეუფეს კი “რუსთავი 2”-ის კამერა იღებდა და შემდეგ “კურიერში” აჩვენებდნენ.

© Tony Clifton Digital Media Ltd.

Creative Commons License © Тony Clifton*The Sound and The Vuvuzela. საავტორო უფლებები დაცულია. ნამუშევრის კოპირება, ციტირება და გამოქვეყნება დაშვებულია მხოლოდ ავტორისა და წყაროს (პოსტზე ლინკის) მითითებითა და ნებართვით. This work is licensed under a Creative Commons Attribution-NonCommercial 4.0 Unported License.

___

http://guriismoambe.com/index.php?m=68&news_id=23230

ლიონელ მესი: “ახლა ვხვდები, რომ მამამ გამაბითურა!”

ესპანეთის ფინანსთა სამინისტრო და პროკურატურა ლიონელ მესის გადასახადების დამალვაში ადანაშაულებს. დამალული თანხა 4.1 ევროს შეადგენს და “ადიდასთან”, “პეპსი-კოლასთან”, “დანონთან”, “პროქტერ ენდ გემბლთან” და სხვა კომპანიებთან 2007-2009 წლებში გაფორმებული სარეკლამო კონტრაქტებიდან მიღებულ შემოსავალს მოიცავს, რომელიც არგენტინელმა ვარსკვლავმა ბელიზში რეგისტრირებული ოფშორული კომპანიების მეშვეობით ესპანურ საგადასახადო უწყებას დაუმალა. საქმის არსებითი განხილვა 31 მაისს დაიწყო, თუმცა თავად ბრალდებული პროცესზე მხოლოდ 2 ივნისს გამოცხადდა. ჟურნალისტებთან ხანმოკლე გასაუბრების დროს ლიონელ მესიმ განაცხადა, რომ საკუთარ ფინანსურ საქმეებს ის არ განაგებს და ეს საქმე მრავალი წელია უკვე მისი მამის, ხორხე ორასიო მესის ხელშია. 

Continue reading “ლიონელ მესი: “ახლა ვხვდები, რომ მამამ გამაბითურა!””

ჯორჯ სოროსი ახალ რევოლუციებს გეგმავს

საქართველოსა და უკრაინის ე.წ. “ვარდების” და “ნარინჯისფერი” რევოლუციებისა და “მაიდანის” სულისჩამდგმელი და მთავარი იდეოლოგი ჯორჯ სოროსი ახალ ფერად რევოლუციებს გეგმავს, ამის შესახებ ინტერნეტ-რესურსი inforesist (საინფორმაციო წინააღმდეგობა) იუწყება. პროექტი, რომლის უკანაც ჯორჯ სოროსი დგას, გულისხმობს მსოფლიოს დაფარვას ალტერნატიული, უსადენო (Wi-Fi) უფასო ინტერნეტ-ქსელით, ე.წ. აუთერნეტით.  Outernet-ი დაფარავს ე.წ. მესამე სამყაროს ქვეყნებს და მასთან დაკავშირება ნებისმიერ ელექტრონულ მოწყობილობას ექნება, რომელსაც Wi-Fi ქსელზე წვდომის უნარი აქვს, იქნება ეს კომპიუტერი, სმარტფონი თუ პლანშეტი. Outernet-ის სიგნალი გავრცელდება თანამგზავრების მეშვეობით და მისი დახშობა შეუძლებელი იქნება.

ერთი შეხედვით, Outernet-ის მიზანი კეთილშობილია – უზრუნველყოს უფასო ინტერნეტ-კავშირით იმ ქვეყნების მოსახლეობა, სადაც ინტერნეტი ძვირია ან შეზღუდული, მაგრამ, რა თქმა უნდა, ლეგიტიმურ ეჭვს იწვევს ამ პროექტის დამფინანსებლის, ჯორჯ სოროსის კეთილი ზრახვები.

Continue reading “ჯორჯ სოროსი ახალ რევოლუციებს გეგმავს”

კვლევა: რელიგიის ფაქტორი განათლების სისტემაში

“განათლების სისტემის შესწავლისა და რეფორმირების ცენტრმა” დაასრულა საქართველოს ზოგადი განათლების სისტემის მასშტაბური კვლევა და პირველი შედეგები გამოაქვეყნა.

კვლევის მიზანი იყო გამოევლინა ფაქტორები, რომლებიც ხელს უწყობენ მოსწავლეთა მოტივაციის გაზრდას უკეთესი განათლების მისაღებად, ისევე როგორც უკეთეს კომუნიკაციას მოსწავლეებსა და მასწავლებლებს შორის.

კვლევა ჩატარდა ნაციონალური მასშტაბით და 82 სკოლა მოიცვა, მათგან 30 – მდებარეობს თბილისში და 52 – რეგიონებში. კვლევა ჩატარდა ევროპაში აპრობირებული მეთოდიკით და მის განხორციელებაში კონსულტანტის სტატუსით მონაწილეობდნენ ნორვეგიელი და დანიელი ექსპერტები.

Continue reading “კვლევა: რელიგიის ფაქტორი განათლების სისტემაში”

რუსეთი სანქციებს ამკაცრებს

დღეს რუსეთში მთავრობის საგანგებო სხდომა გაიმართა, რომელზეც დასავლეთის ქვეყნებიდან სასურსათო პროდუქციის იმპორტის  აკრძალვა განიხილეს. მთავრობის სხდომას რუსეთის პრეზიდენტი, ვლადიმერ პუტინი ესწრებოდა. სურსათის იმპორტზე დაწესებული 1-წლიანი შეზღუდვის ეფექტური განხორციელებისთვის, პრეზიდენტმა პუტინმა მთავრობის წევრებს ამ გადაწყვეტილების შესრულებაზე კონტროლი დაავალა.

კერძოდ, რუსეთის საბაჟოს ფედერალურ სამსახურს მიეცა დავალება სანიტარულ სამსახურთან ერთად შეიმუშავოს ეფექტური ზომები აკრძალულ სიაში მოხვედრილი სასურსათო პროდუქციის სასაზღვრო-გამშვებ პუნქტებზე აღმოჩენისა და დაკავებისთვის. განსაკუთრებული ყურადღება უნდა გამახვილდეს საბაჟო კავშირში შემავალ ქვეყნებთან საზღვარზე, რომ აკრძალული პროდუქტი რუსეთში რე-ექსპორტის გზით, აკრძალვის გვერდის ავლით არ მოხვდეს.

Continue reading “რუსეთი სანქციებს ამკაცრებს”

პატრიარქის მიერ პრემიერისთვის მირთმეული საათის ჭეშმარიტი ისტორია

როგორც ცნობილია, 13 სექტემბერს საქართველოს პრემიერ-მინისტრს ესტუმრა პატრიარქი და საჩუქრად საათი მიართვა, რომლის სავარაუდო ფასი აღემატება საჯარო მოსამსახურისთვის გადაცემული საჩუქრის დასაშვებ ღირებულებას. ამ ზღვარს საჯარო სამსახურში ინტერესთა შეუთავსებლობისა და კორუფციის შესახებ საქართველოს კანონი ადგენს.

საქართველოს პრემიერ-მინისტრის პრესსამსახური ჯერ-ჯერობით ოფიციალური განცხადებისგან თავს იკავებს, მაგრამ ჩვენს მიერ მოპოვებული ინფორმაციით, შესაძლოა, კანონი არ დარღვეულა და ე.წ. “საათის სკანდალი” ქართული ოცნების მიმართ არაკეთილგანწყობილი ჟურნალისტებისა და პოლიტიკოსების მიერ  ცარიელ ადგილზე აგორებული აღმოჩნდეს.

Continue reading “პატრიარქის მიერ პრემიერისთვის მირთმეული საათის ჭეშმარიტი ისტორია”

რა ფასის საათი აჩუქა პატრიარქმა პრემიერს?

საქართველოს პრემიერ-მინისტრის, ბატონი ბიძინა ივანიშვილის რეზიდენციაში საქართველოს პატრიარქის სტუმრობასთან დაკავშირებით, პატრიარქის საერთაშორისო საქველმოქმედო ფონდის ხელმძღვანელმა, ლაშა ჟვანიამ განმარტება გააკეთა:

“საქართველოს კათოლიკოს-პატრიარქის, უწმინდესი და უნეტარესი ილია მეორის მიერ საქართველოს პრემიერისთვის ბოძებულმა მცირედმა სამახსოვრო საჩუქარმა სოციალურ ქსელებში დიდი მითქმა-მოთქმა გამოიწვია. პაპიზმის ცოდვაში ჩავარდნილი ჩვენი ზოგიერთი თანამემამულე, საათის ფასის “დადგენას” შეეცადა, სრულიად ფანტასტიური თანხები დაასახელა და კიდევ ერთხელ შეეცადა დედა-ეკლესიის “მხილებას”. ჩვენს ისტორიასთან და ტრადიციებთან ბრძოლაში არაერთგზის შემჩნეულმა ზოგმა “ინტელექტუალმა” ეკლესიისთვის მორალის კითხვის ცოდვაც იტვირთა. მართლმადიდებლობასთან მებრძოლი მასონური ფონდების გრანტებით დაფუძნებულმა არასამთავრო ორგანიზაციებმა კი საქართველოს პრემიერს საჩუქრის მიღებისგან თავშეკავებისკენ და მჩუქებლითვის უკან მიბრუნებისკენაც კი მოუწოდეს.

აზრთა სხვადასხვაობა და გაუგებრობა გამოიწვია, აგრეთვე, საჩუქრის ყუთზე გამოსახულმა თეთრი ფერის ლაქებმა, რაც სოციალური ქსელის რამდენიმე მომხმარებელმა მიიჩნია ჭუჭყად და გამოთქვა გულისწყრომა.

ამ ყველაფრის გამო, თავს ვალდებულად ვთვლი, განვმარტო:

Continue reading “რა ფასის საათი აჩუქა პატრიარქმა პრემიერს?”

კონდოლიზა რაისი: ბედნიერი ვიქნები, თუ საშუალება მომეცემა, ბიძინა ივანიშვილის გუნდის წევრი გავხდე!

საქართველოს საგარეო ურთიერთობათა საპარლამენტო კომიტეტის თავმჯდომარემ თედო ჯაფარიძემ გაზეთ “იზვესტიას” განუცხადა, რომ აშშ-ის ყოფილმა სახელმწიფო მდივანმა, კონდოლიზა რაისმა სურვილი გამოთქვა, საქართველოს პრემიერ-მინისტრის, ბიძინა ივანიშვილის მრჩევლის პოზიცია დაიკავოს.

საქართველოს წარმომადგენლებსა და კონდოლიზა რაისს შორის შეხვედრა სტენფორდის უნივერსიტეტში შედგა, სადაც რაისი პოლიტოლოგიის პროფესორად მუშაობს. ჯაფარიძის გარდა შეხვედრას ამერიკაში საქართველოს ელჩი არჩილ გეგეშიძე და დეპუტატი თინა ხიდაშელი ესწრებოდნენ.

ბატონმა ივანიშვილმა ქალბატონი რაისის გამოცდილებასა და კვალიფიკაციას მაღალი შეფასება მისცა: “ჩემთვის სასიამოვნო იქნებოდა, თუ ისეთი პოლიტიკოსი, როგორიც კონდოლიზა რაისია, მრჩევლობას იტვირთებდა. მე მივესალმებოდი და მადლობასაც გადავუხდიდი”.

თავად ქალბატონი რაისი აღნიშნულთან დაკავშირებით მცირე კომენტარით შემოიფარგლა:

– მოხარული ვიქნები, თუ ჩემი სამსახური საქართველოს წაადგება. საქართველო ჩვენი სტრატეგიული მოკავშირეა და აშშ მას არც მომავალში მიატოვებს. ბედნიერი ვიქნები, თუ საშუალება მომეცემა, საქართველოს პრემიერის გუნდის წევრი გავხდე და ისეთი გამოჩენილი ექსპერტების გვერდით ვიმუშავო, როგორებიც არიან ბატონები სოსო ცისკარიშვილი და გია ხუხაშვილი.

შეკითხვაზე, თუ რა იქნება მისი პირველი რჩევა პრემიერს, ქალბატონმა რაისმა გვიპასუხა:

– ანჩისხატის ტაძარში დაბრუნება. ანალიტიკურ ცენტ “სტრატფორის” პროგნოზით, საქართველო გაბრწყინდება მაშინ, როდესაც ანჩისხატი ეკლესიაში დასვენდება, ასე რომ სწორედ ეს იქნება ჩემი პირველი რჩევაც ახალ პოსტზე.

© Tony Clifton Digital Media Ltd.

Creative Commons License © Тony Clifton*The Sound and The Vuvuzela. საავტორო უფლებები დაცულია. ნამუშევრის კოპირება, ციტირება და გამოქვეყნება დაშვებულია მხოლოდ ავტორისა და წყაროს (პოსტზე ლინკის) მითითებითა და ნებართვით. This work is licensed under a Creative Commons Attribution-NonCommercial 3.0 Unported License.

საინიციატივო ჯგუფი ალტერნატიული ფულის ერთეულის შემოღებას ითხოვს

20 აპრილს სასტუმრო “ქორთიარდ მერიოტში” იურისტების, არასამთავრობო ორგანიზაციების, პოლიტიკოსების, სასულიერო პირთა და მართლმადიდებელ მოქალაქეთა კრებულის შეხვედრა გაიმართა.

შეხვედრაზე განიხილეს 30 000 ხელმომწერთა დღემდე დაუკმაყოფილებელი მოთხოვნა საქართველოში ალტერნატიული ფულის ნიშნების შემოღებასთან დაკავშირებით.

ხელმოწერების შეგროვების ერთ-ერთმა ინიციატორმა, პარტია “თავისუფალი საქართველოს” წევრმა დიმიტრი ლორთქიფანიძემ განმარტა: “მიუხედავად იმისა, რომ ჯერ-ჯერობით ქართული ფულის ნიშნები არ შეიძლება განიხილებოდეს მხეცის ნიშნის მატარებლად, მართლმადიდებლებს აწუხებთ ის ამბავი, რომ მრევლში ასეთი ფულის ნიშნების დეფიციტია და აშკარად არაა საკმარისი. თუკი მოქალაქეთა საკმაოდ დიდი ჯგუფი ამბობს, რომ მას არ გააჩნია საკმარისი რაოდენობის ფულადი ნიშნები, სახელმწიფომ აუცილებლად უნდა გაითვალისწინოს მათი წუხილი, – ბრძანა ბატონმა დიმიტრიმ, – მით უმეტეს, დღეს ჩვენ ვსაუბრობთ არა რელიგიურ უმცირესობებზე, არამედ ამ ქვეყნის ყველაზე დიდ რელიგიურ საზოგადოებაზე, მართლმადიდებლებზე.”

პარტია “თავისუფალი საქართველოს” ხელმძღვანელიმა, კახა კუკავამ დაადასტურა, რომ “პარტია ცალსახად უჭერს მხარს ინიციატივას, რომელიც ალტერნატიული ფულადი ნიშნების შემოღებას გულისხმობს. წინააღმდეგობა არსებული ფულადი ნიშნებისადმი რამდენიმე ფუნდამენტური უფლებიდან გამომდინარეობს და სრულ თანხვედრაშია მართლმადიდებლურ ეკლესიასთან გაფორმებულ კონკორდატთან, სწორედ ამიტომ ძალიან სამწუხაროა, რომ ხელისუფლების არაერთი ზეპირსიტყვიერი განცხადების მიუხედავად, დღემდე ამ კანონპროექტს პარლამენტში მსვლელობა არ მიეცა.

ღონისძიების მონაწილეებმა იუსტიციის სამინისტროსა და პარლამენტს არსებული ფულადი ერთეულის ალტერნატიული საშუალების შემოღება დაჩქარებული წესით სთხოვეს.

© Tony Clifton Digital Media Ltd.

Creative Commons License © Тony Clifton*The Sound and The Vuvuzela. საავტორო უფლებები დაცულია. ნამუშევრის კოპირება, ციტირება და გამოქვეყნება დაშვებულია მხოლოდ ავტორისა და წყაროს (პოსტზე ლინკის) მითითებითა და ნებართვით. This work is licensed under a Creative Commons Attribution-NonCommercial 3.0 Unported License.